大部分人唔係唔夠努力，而係淨用咗一半嘅地圖，去玩人生呢場遊戲。 我哋由細到大學嘅，都係睇得見、計得到嗰一半：物質、數據、努力。但係仲有另一半，你睇唔到，佢一直喺度影響你：你嘅內在狀態、你所處嘅環境、你出手嘅時機。 易經有三個道理，正好解釋呢一半點樣運作： 變易：萬物不停變化。AI、經濟、九運，外面嘅環境一直喺度變。你唔變，其實已經係逆住自然行。 不易：變化背後有不變嘅規律。睇得清規律，就唔會俾表面嘅變化嚇親。 簡易：順住規律行，事情自然變得簡單，唔使硬撐。 有兩樣嘢我要講清楚。 第一，唔係你錯。係冇人教過你，或者你遇到嘅師傅講到好玄，叫你買一大堆擺件，搞到你覺得呢啲嘢係迷信。好可惜。 第二，我唔係叫你淨信睇唔到嗰邊。淨信一邊，你會喺同一個位卡住好耐。中西兩邊，都要用。 順勢唔等於躺平。好似衝浪：躺平嘅人俾浪沖走，逆流嘅人同浪硬撼，順勢嘅人睇清個浪、揀啱時機、落力划水，然後騎住個浪行。 後日我會教一個三分鐘就做到嘅練習。想先攞《天地人決策自測》，留言「天地人」。 多謝。 https://www.masterstephenau.com/post/大部分人淨用咗一半地圖

2014 年，我離開咗做咗十九年嘅投資銀行。 我做過打工仔、自僱人士同創業者，喺美國、加拿大、新加坡同香港生活過。所以「重塑」對我嚟講，唔係一個課程名，係我自己行過嘅路。 喺銀行嗰幾年，我學識計所有嘢。但係做得愈耐，我愈發覺，人生最大嗰幾個決定，恰恰係計唔出嚟。轉唔轉行、走唔走、同邊個合作、幾時放手，冇一條公式畀到你答案。 譬如我由打工到創業到自僱，感情關係隨時間變化不是完全由自己掌控。許多人會問獨資還是合夥好？移民移居去邊道好？ 其實由 2000 年回港開始，我已經自修術數，2005 年開始正式跟中港台師傅學。嗰段時間，我見到好多用邏輯解釋唔到、但係真係會發生嘅嘢。 不過我亦都行過另一個極端：講咗好多年，人生冇點郁過。我哋始終住喺一個三維嘅物質世界，最後都要落手落腳去做。 即係話，理性同直覺唔係二選一。兩邊都行過，我先知道最好係行返中間：理性、直覺，同埋落到地。 所以我而家叫自己「財富重塑策略顧問」。財富唔止係錢，係五種：時間、健康、人際、心智、金錢。重塑，唔係加多幾個方法落去你已經好逼嘅時間表，而係有加有減。 未攞《天地人決策自測》嘅朋友，留言「天地人」，我傳畀你。如果你唔想公開留言，直接回覆呢封電郵，打「天地人」都得。 多謝。多謝。 https://www.masterstephenau.com/post/reinvention

我做咗十九年投資銀行，信嘅只係數據同模型。同一時間，我由 2005 年開始，用咗二十年去學一樣計唔出嚟嘅嘢。 我係 Stephen Au 區卓裕，財富重塑策略顧問。 1995 到 2014，我喺紐約、香港、新加坡做投資銀行，之後同人合辦咗一間香港持牌證券公司。跟住由 2005 年開始，我跟中港台唔同嘅師傅學中國術數，又去世界各地學行為心理同能量科學。中西兩邊我都真係行過，所以我知道兩邊嘅盲點喺邊。 其實我而家做嘅嘢好簡單：幫企業家同專業人士，喺啱嘅內在狀態、啱嘅環境、啱嘅時機落手。唔使硬拼，一樣可以有結果。 大部分人一開波就問「點樣做」，方法搵咗一大堆，課程上咗一大堆，愈搵愈亂。其實前面仲有三條問題未答：做唔做、喺邊度做、幾時做。 所以我整咗一份免費嘅《天地人決策自測》。十分鐘做完，你就知道你卡住嗰件事，樽頸喺邊。最後仲有第四條問題，幫你睇下自己係咪喺同一個 Pattern 模式入面兜圈。 有一樣嘢我要講清楚：自測只係俾你一個機會率比較高嘅方向，絕對唔係宿命嘅。你嘅選擇，一樣可以改。 想要嘅話，留言「天地人」送你《天地人決策自測》，我 inbox 傳畀你。 多謝。 https://www.masterstephenau.com/post/heaven-earth-man

English Videos about Environmental Energy Harmonisation for Home and Workplace by integrating Chinese Feng Shui and western Geomancy using physical/mental dowsing. You can turn on English and or Chinese subtitles.

我喺投資銀行做咗差唔多二十年，紐約、香港、新加坡都做過。見過好多人身家好多個零，但係身體出事、屋企人唔同佢講嘢、夜晚瞓唔著。Actually，嗰陣我先真正明白，錢只係財富嘅其中一種。 Sahil Bloom 喺《The 5 Types of Wealth》提出，人生其實有五種財富： 時間財富：你有幾多自由，決定點樣用自己嘅時間 社交財富：身邊有冇真正撐你、關心你嘅人 心智財富：你有冇方向、意義，同埋持續成長 身體財富：你嘅健康、體力同精神狀態 財務財富：你有幾多錢，同埋你對「夠」嘅標準 但係好多人冇留意一樣嘢：唔同年紀，五種財富嘅優先次序係會變嘅。 Okay? 次序排錯咗，你愈努力，可能蝕得愈多。 【20至29歲：用時間同體力，換心智同人脈】呢個階段最多嘅係時間同體力，最少嘅係錢。好多年輕人急住賺快錢，but in fact，呢十年最值錢嘅投資係學嘢、試唔同嘅路，同埋同有質素嘅人建立關係。例如，跟到一個好師父或者好上司，比人工多幾千蚊更加重要。身體底子都要打好，因為呢十年養成嘅習慣，會跟你幾十年。 優先：心智 ＞ 社交 ＞ 身體 ＞ 財務 ＞ 時間 【30至39歲：財務起飛，但唔好賣咗家庭同身體】事業上升、成家、供樓、養小朋友，財務自然變成重點。問題係，大部分人喺呢個階段用身體同家庭去換錢。日日OT，同屋企人食飯都覆緊email。呢十年要學嘅係：錢要賺，但要有底線。 優先：財務 ＞ 社交（家庭）＞ 身體 ＞ 心智 ＞ 時間 【40至49歲：重新問自己「為咗乜」】呢個年紀，錢有一定基礎，但好多人開始覺得空，或者身體開始響警號。再加上AI衝擊、經濟唔明朗，專業人士發覺自己個位唔再穩陣，老闆發覺盤生意愈做愈辛苦。呢個階段，心智財富要排返第一：下半場你想點過？身體亦要由「得閒先理」變成「一定要理」。 優先：心智 ＞ 身體 ＞ 財務 ＞ 社交 ＞ 時間 【50至59歲：時間開始升值】你會發覺時間愈來愈矜貴。呢個階段唔再係追數字，而係守住已經有嘅、設計人生第二條曲線，同埋揀清楚同邊啲人一齊行落去。關係要少而精。 優先：時間 ＞ 身體 ＞ 社交 ＞ 心智 ＞ 財務 【60歲或以上：身體同關係最值錢】身體好，先有能力享受其他財富。有人陪、有人記得你，比任何數字都實在。錢變成一個工具：照顧自己、幫下一代，留低你想留低嘅嘢。 優先：身體 ＞ 社交 ＞ 時間 ＞ 心智 ＞ 財務 以上係大方向，唔係公式。每個人嘅起點、家庭、行業、身處嘅地方都唔同，所以一定要按自己嘅情況去排。 【點解咁多人明知，但做唔到？】Basically 有三個原因： 第一，唔清楚自己而家真正喺邊個位置，只係跟住文化同家庭嘅制約去排次序，排咗幾十年先發覺唔係自己想要。 第二，方向啱，但環境同時機唔啱，於是愈推愈辛苦。 第三，淨係靠意志力硬撐，將時間、體力同情緒消耗喺唔重要嘅嘢上面，三個月之後又打回原形。 【我可以點樣幫你：L.U.C.K. 方法】 我係區卓裕 Stephen Au，財富重塑策略顧問。 我行過一條幾特別嘅路。前半生喺美國哥倫比亞大學讀經濟數學同電腦科學，之後做投資銀行、考FRM、讀EMBA、合夥創辦證監會持牌證券公司，全部都係邏輯、數據、賺錢嗰邊。後來我轉去無形嗰邊，跟中港台師父學咗二十年中國玄學，亦研究行為心理學、能量療癒，受過 Tony Robbins 同 Cloé Madanes 嘅教練訓練。我喺美國、加拿大、新加坡、香港都住過，做過打工仔、自僱，亦創過業。 兩邊都行過之後，我嘅結論係：中間嗰條路最好。邏輯同直覺要平衡，而且要落地，因為我哋始終係活喺一個實實在在嘅世界。 我將呢啲經驗整合成一套方法，叫 L.U.C.K.： L｜自然法則先睇清楚而家發生緊乜。凡事都有因果、有節奏、有周期。人生唔同年紀有唔同重點，行業同市場都有自己嘅周期。唔係要同佢鬥，而係睇清楚規律，順住佢行。 U｜天地人合一人唔係孤立咁運作，而係一個更大系統入面嘅一部分。所以每個重要決定，我會同你睇三層： 人：做唔做？呢個係咪你真正嘅方向？地：喺邊度做？環境、行業、身邊嘅人啱唔啱？天：幾時做？時機到咗未？ 我會綜合分析你人生最可能行嘅路。記住，係最可能行嘅路，唔係命中注定。環境同政府政策都會令條路轉彎，幸運機緣是可以訓練，你始終可以掌握自己嘅命運。 C｜有意識運用能量五種財富，其實就係五種有限嘅資源。你每日嘅時間、注意力、情緒、體力同金錢，究竟用咗喺邊？我會同你盤點，邊樣透支緊，邊樣係你呢個階段最值得投資嘅。唔係做多啲，而係少啲無效消耗，多啲有效創造。 K｜內在知道好多人心入面其實已經知道答案，只係外面嘅聲音太多：屋企人話一樣，朋友話一樣，YouTube 同小紅書又話另一樣。我會用行為心理學同教練方法，幫你分清楚乜嘢係你自己真正想要，乜嘢係外界嘅雜音，然後先行動。