الحلقة التانية علي الدورة الشهرية

روتين البيريود اول شئ في الم بتحسيه وقت الدورة ده بيكون ليه مرجع نفسي و تحرر بيتم و بيظهر في هيئة وجع جسدي الدورة الشهرية زي ما قولت هي مهمتها عملية تطهير بالذات الشخص لو داخلة قصة عاطفية حتي لو المشاعر ديه لسة ما ادركتيهاش بتكون طلعت لان العلاقات بتظهر مخاوف اللي عندك ممكن تكوني مشوفتيش لسة ده او متجلتش الكارما اللي فالعلاقة و لكن بتكون العلاقة مطلعاها بالفعل بس انتي لسة منتبهتيش او ما ادركتيش المشاعر ديه البيريود بتيجي تعمل تطهير فالفترة مثلا ديه هتحسي بوجع لو قدرتي بقي تعملي اللي هقوله هتبدءي تظهري الوجع نتاج ايه اول حاجة بتجيبي مية و حطي عليه كوب ملح و حطي رجلك فيها المية بملح اولا بتعمل ايه بتساعد علي التحرر مش ساعات بتحسي بألم و لكن بتحسي البيريود زي ما تكون محبوسة و لسة منزلتش و ده متعب ده بيبقي نتاج التعلق و التمسك بعدين اما البيريود تنزل بترتاحي المية بملح بتساعد في انزال البيريود ده اولا تانيا لو قعدتي فالالم بدل ما تاخدي مسكن و قعدتي تراقبيه هيبدء يظهر عن نفسه و عن الجزء الشعوري اللي وراه طب ايه اللي هيساعدك فالعملية ديه المية بملح هتتخيلي الم الجسدي بينزل فيها عشان يتحرر انتي محتاجة عنصر مساعد قوي مش بس ادراك و قاعدة فالشعور ده هيسهل عليكي التحرر و هتلاقي نفسك بترتاحي فعلا لانك بتدركي و بتتخلي عن الالم فالماء بملح و الملح بيشتغل و يدمر و بيشد الالم لتحت طيب لو انتي مش قادرة تعملي ده خلاص مجرد ما تحطي رجلك فالمية بملح هتبدءي تحسي براحة حتي لو مش ناوية تتخيلي يفضل المياه تكون دافية عشان تبقي مرتاحة وقت البيريود احنا بنحس بالسقعة فالحر فيفضل المياه تكون درجتها مريحة ليكي و شوفي انتي المناسب ليكي و اعمليه الجزء ده جزء تحرري مش بس مهدء ننتقل علي الجزء الروتيني بقي اشربي مشروب مهدء زي اليانسون او النعناع عشان دول بيحسنوا المود ممكن تستخدمي الحرارة زي الاربة السخنة في مكان الالم او علي المنطقة الرحم او اسفل الرحم لان انا مثلا الالم بيجيلي فرجلي بس بيبدء من منطقة الحوض فيما تحت اما سألت علي شات جي بي تي قال ان الالم مكانه العلمي بيكون من الرحم و لكن الاشارات اللي العقل بيعطيها ممكن تحسي بوجع فاماكن تانية زي الرجل او الظهر ده المثبت علميا بس اكيد ليه سبب نفسي ليه حد بيحس المه فالبطن و حد فالظهر و حد فالرجل ليه العقل مدي الاشارات فالاماكن ديه بالذات الاهم من كل ده هو انك تدركي الشعور ورا الالم و خلاص مش مهم موضعه المهم شوفي المكان الانسب ليكي و حطي فيه نكمل في ناس بتنصح بالحركة زي المشي الخفيف يعني او اليوجا حسيتي ان ده مفيد ليكي اعمليه انا مش بعمل حاجة اوي وقت الالم بفضل اقعد فالسرير اغلب الوقت بس ساعات بعمل وضعيات بحس انها مريحاني زي مثلا وضعية child pose او extended child pose او وضعية الجنين في شئ مهم اليوم ده اوعي تكةني فطاقة الذكورية كعادتك تقومي تعملي اكل غصب عنك او تروحي الشغل و تيجي علي نفسك لو الحاجات ديه هتعمليها من باب الواحب المكروها عليه هتتعبي جسدك زيادة لكن لو مثلا لقيتي نفسك هتعملي اكل مثلا قليل ليكي و خلاص و باريحية ساعات عمل الاكل بيخليكي تهدي لو ده بيسعدك اعمليه لكن متعمليش اكل عشان واجب زي لو انتي ام و زوجة

لا ياكلوا اي حاجة ان لجسدك عليك حق احترمي نفسك كمان و سيبيها دايما علي الله يعني قولي انا هعمل المريح ليا علي الاقل فالوقت ده و الله هيدبرها من عنده هتلاقيها اتحلت من عند الله لكن طول ما الايجو فاعم انه محور الكون هيفضل مشغلك فطحونة عشان فاكرة انه منغيرك مش هيقدروا يتعايشوا فهتفضلي تيجي علي نفسك و ده بيصب فعدم حب الذات و عدم احترام الذات

نرجع للروتين اشربي سوايل كتير و اعملي حاجة بتديكي احساس بالراحة بعد عملية التطهير بالملح مودك هيتحسن او بعد مرور شوية من تحريرات البيريود هتحسي انك اهدي فهدوءك تقدري تعملي حاجة مسلية ليكي تشربي مشروب بيعدل مزاجك تستمتعي او تعملي حاجةبوعي و هدوء تساعدك علي عملية الحضور يعني ايكارت تول كان بيعلم مرة في فيديو كيف تعمل كوباية شاي بوعي الحضور تحضر و انت بتعمل هنشر هنا الفيديو ممكن كمان تعملي حاجة تهدي الاعصاب زي انك تحطي زيت لافندر فالمية بملح عشان ده مهدء تشخلي بخور لافندر شمع الشمع الطبيعي في عوامل تطهير شوفي الانسب معاكي في وقت سامحة للتطهير في وقت عايزة تهدي جهازك العصبي و تهدي انتي اللي بتحددي انتي محتاجة ايه دلوقتي في وقت بحس اني مش عايزة اعمل حاجة غير اني مفكرش و اهدي يبقي زيت لافندر مشروب يانسون حاجة تعدل المزاج و صمت و هدوء داخلي و اعمل حاجة بتسليني ممكن اونلاين شوبنج او اي شئ بقي المهم اعطي نفسك المساحة لانك تكوني فالحال الانسب ليكي

0 comments

الحلقة التانية علي الدورة الشهرية